CUMMUNICATU DI STAMPA

10 05 06

L’avia annunciata u ministru di l’internu francesu, chi a riprissioni era a sola riposta ch’iddu daghjìa  stupendu ancu nant’a l’ingagiamentu patrioticu di quiddi chi facini a scelta di risistà cu l’ armi di a miseria di pettu à una logica di nigazzioni ch’impedisci à a Corsica di campà a so sfarenza.

So stati dunqua intarpillati tre omini e i so mogli, fra iddi dui militenti di a noscia urganisazzioni.

Hè a gendarmeria chi hè stata rispunsevuli di a so intarpillazzioni. Ci voli a sapé ch’ani circatu à impaurisciali, ch’ani sciappatu a so porta di casa in furia, fendu trimà di paura donni e ziteddi… Ci voli dinò a sapé chi i cundizioni di guardia custoghja so durissimi : Una di i parsoni pidati da i gendarmi hè stata vittima di una crisa cardiaca e traspurtata à u spidali…

Un l’accittemu micca !!!

A mubilisazzioni pupulari dannanzi à a caserna di u Borgu moscia di chi cantu hè l’inghjustizia e quali so quiddi chi so forza stranieri ’occupazzioni in tarra corsa !!

Un accittemu né a riprissioni pulitica di unu statu ch’un hà piu lijitimità parchi hé fragicu a u capu, un l’accittemu ,parchi nega a noscia dimensioni di populu e ramintemu à tutti  i  corsi chi l’ora hè sempri à a mubilisazioni di pettu à l’upprissioni.

Tutti insembu custruimu un fronti d’urganisazzioni pà rinfurzà l’unioni nant’a tutti i tarreni pubblichi di a lotta.

LIBARTA PA TUTTI I PATRIOTTI !!!

CORSICA NAZIONI INDIPENDENTI