Le   26 mars 2009 : (13:00 Unità Naziunale, www.unita-naziunale.org - Corse - Lutte de Masse) Des jeunes corses ont décidé de relancer la démarche de l'Associu di i Liceani Corsi dans le droit fil de la revendication nationale. Ils ont procédé jeudi matin, à une première distribution de tracts devant le lycée Laetitia Bonaparte à Aiacciu.  Voici le texte du tract :

 A criazioni di l’Associu di I Liceani Corsi parta d’un’ custatu: in Aiacciu, u tarranu di a lotta studientina ùn hè più uccupatu.

Ci simu dunqua adduniti è avemu decisi di rifundà l’Associu di I Liceani Corsi.

U nosciu scopu hè di dà à a ghjuventù Corsa i mezi di sprimassi à traversu à una struttura adattata à i so bisogni, di rivindicà u so dirittu à campà è à travaddà à nantu à a so tarra, à parlà a so lingua, à cunnosci a so storia è a praticà a so cultura.

Intrà à l’Associu di i Liceani Corsi ghjè principià à ammaestrà u so avvena è ghjè participà, à u so liveddu, à a Lotta Naziunali.

U populu Corsu s’hè giratu vers’à so ghjuventù, ùn lu disilludemu micca.

U custatu hè prestu fattu: francisazioni, riprissioni, droga, esiliu…

  Di pett’à issu custatu a riposta chè no’ puvemu purtà ùn hè a cumprumissioni, hè a risistenza publica è l’uccupazioni di tutti i nosci tarrani di lotta.

Simu ghjovani Corsi, è ùn accitemu micca a spuddazioni di a noscia tarra, ùn accitemu micca l’aluntanamenti carcirali di nosci frateddi Risistenti, ùn accitemu micca a presenza di a droga ind’u nosciu paesi, ùn accitemu micca a culunisazioni di pupulamenti, ùn accitemu micca a riprissioni, è, sopratuttu, ùn accitemu micca leghji chi so stati decisi in Parighji pà essi appiegati ind’è noi.

 Vulemu parlà a noscia lingua, vulemu ch’iddu campessi in paci u nosciu populu, vulemu una vera suvranità pà u populu Corsu.

Mandemu u nosciu sutegnu à tutti i prighjuneri pulitichi è à tutti i militanti chi so stati toccati da a riprissioni.

Chjamemu i liceani di tutti i cità di Corsica à fundà un’ Associu di i Liceani Corsi par chi l’ALC diventessi un’ sindicatu liceanu di primura in Corsica.

Liceani, pà i vosci diritti, pà i diritti di u vosciu populu, raghjunghjeticci!

Cuntatu telefonu : 06 61 42 12 11

Cuntatu mail       : AssociuLC@hotmail.fr

Source photo : Unità Naziunale, Archives du site.
Source info :  Unità Naziunale
© UNITA NAZIUNALE

Vos réactions sur cet article ici :http://forucorsu.unita-naziunale.org/portal.php